عندكم مشكلة فى الوقت و مش ملاحقين تعملوا اى حاجة ؟ الدقائق بتتسرب من بين ايدينا ، و الساعات بتعدى فى لمح البصر . اليوم بييجى و يخلص بسرعة ، وراه يوم تانى بيعدى اسرع من اللى قبليه ، والاسبوع ما بقاش اسبوع . يااااااااه … شهور وسنين كتيرقوى عدت فى لمح البصر ، بذكريات مُرة و شوية ذكريات حلوة ما لحقناش نحس بيها ، ولا حتى نستوعبها ... الوقت اللى فاضللنا على الأرض ،بيقل بسرعة رهيبة يوم عن التانى إنا لنفرح بالأيام نقطعها وكل يوم يدني من الأجل بفكر فى الجملة المشهورة دى الوقت كالسيف إن لم تقطعه قطعك يا ترى فى حد فيكم عرف يقطع الوقت قبل ما يقطعه فى يوم من الايام؟ و قدر ياخد حقه تالت و متلت منه؟ انا عمرى ما عملتها للاسف الشديد وكمان بفكر فى البيتين دول دقات قلب المرء قائلـــة له إن الحياة دقـــــائق وثوان فارفع لنفسك قبل موتك ذكرها فالذكر للإنسان عمر ثان بعد كدة بقارنهم بكمية الوقت اللى انا بضيعه من غير ما اعمل حاجة مفيدة او حتى مضرة ،أو الوقت اللى بضيعه على توافه الأمور ، أو الوقت اللى بضيعه فى النوم .. بفتكر الكسل و الاهمال و عدم تقدير نعمة الوق...
Yet another hypothetical world مجرد عالم افتراضي آخر